انواع الحب

[center]حبٍ يشيّب صاحبه ما بَعَدْ شاب **** وحبٍ يشيب وصاحبه في شبابه

وحبٍ يغيب وصاحبه ما بَعَدْ غاب ***** وحبٍ يدوم وصاحبه في غيابــه

وحب يذوّب خافقٍ ما بعد ذاب ***** وحبٍ يداوي صاحبه من عذابـــــه

وحبٍ يتوّب خافقٍ ما بَعَدْ تاب ***** وحبٍ يزيدك رغبةٍ في الكتابــــــــه

وحبٍ حياته كلّها لوم وِعْتاب ***** وحبٍ حقيقي ما يضرّك عتابــــــــــه

وحبٍ بلا معنى وحبٍ بلا اسباب ***** يبدا غريب وينتهي في غرابـــه

وحبٍ ضعيفٍ مثل حبرٍ على كْتاب ***** تمحيه دمعه في ثواني كآبـــه

وحبٍ قويٍ مثل قصرٍ له ابواب ***** لو هبّ عاتيْ الريح ما اهتز بابــــــه

وحبٍ بداية رحلته نظرة اعجاب ***** واخر مطافه مثل يومٍ بدا بــــــــــه

وحبٍ يعيش بداخل قْلوب الاحباب ***** وحبٍ يشيع وكل حَيٍ درى به

وحبٍ مقامه في ضلوع الصَدِر طاب ***** وحبٍ يعدّي مثل مرّ السحابه

وحبٍ على قبره نعق بوم وغْراب ***** وحبٍ تغنّى به لحون الربابـــــــه

وحبٍ بمقدارٍ وحبٍ بلا حْساب ***** وحبٍ بمعروفٍ وحبٍ نهابـــــــــه

وحبٍ يعيش أهله وسط داره اغراب ***** ويموت قهر ويندفن في ترابه

وحبٍ غدا سرّه سوالف للاجناب ***** وحبٍ يموت وصاحبه ما حكى به

وحبٍ يشيب وصاحبه ما بَعَدْ شاب **** وحبٍ يشيب صاحبه في شبابه



اتمنى تعجبك

الشاعر غير معروف


اعتذر عن سوء التنسيق


مع اجمل تحية للجميع